مليون اه تنطق بها جروحي الغزيرة

آه وآه وآه وآه
مليون اه تنطق بها جروحي الغزيرة
الجروح اللي رافقتني من عرفتك
يا اكذب حلم عشته بحياتي

يا اكبر وهم اخترت اعيش به معاك
وياريتني ماعشته بس شو بيفيدني
الحين الندم بعد ماعطيتك الفرصة
انك كل يوم تتفنن بطعني وجرحي

جرحت حبي وقلبي جرحت انوثتي
وكبريائي جرحت ذاتي جرحت اغلى
شي املكه واللي هي كرامتي
بس صدقني ما الومك بل الوم

نفسي يوم كملت معاك مشوار حياتي
من اول جرح جرحتني اياه فكرامتي
من اول طعنة طعنتني بها فانوثتي
الوم نفسي لاني اخترت حبك رغم
ان سواتك وضحت لي قيمتي عندك
لكن خلاص اكتفيت صرت من كثر

جروحي وطعوني اللي جازيتني بها
ما اريد الا اني انزوي مع ذاتي
واصارح نفسي ان حبي لك صار
بدون كرامة وماباجي لي الا اني
احتفظ باحترامي لنفسي وانسحب

من حياتك واتحمل صعوبة فراقنا
مهما كان موجع ومؤلم ومحطم لقلبي
شو بتفيدني التضحية غير زيادة طعناتك
لي وزيادة الامي وجروحي اللي ما تنتهي
خلاص ابرحل عن حياتك واخذ معاي

مابقالي من كرامة وعزة نفس
خلاص ودعت جرحك وراح احققلك
حلمك اللي تتمناه من زمان حلمك
اني انسحب من حياتك ....خلاص

ماراح اشتري حبك اكثر دامك بعتني
وبعت حبي لك من زمان من اول
طعنة من اول جرح جرحتني اياه