يا حســـــــــــــــــ Ya Husainـــــــــــــــــين
يا حســـــــــــــــــ Ya Husainـــــــــــــــــين
يالقاصد القبر حسين اوقف وانحني ابابه
هل دمعه على الخدين وسجد قبل اعتابه
يالزاير لون قبره يلوح العينك امن ابعيد
سلم واعقد النية واقرا الحمد والتوحيد
واطلب من ابو السجاد كلما تطلب وشتريد
اصعب واكلف الحاجات
عنده ابكل وقت سهلات
وطبع الرزق بالنيات
كل مطلب وسيلة ايريد وكل موقف اله اسبابه
عن احسين ابو اليمة يالسامع خبر مشهور
يتناقل ابكل مجلس وبكل الكتب مذكور
كل من يعتني ايزوره يرد منه ابقلب مسرور
ابقبره تبرد اللهفة
وجمرة حسرتك تطفه
اذا عندك مرض تشفه
تبره علته ويطيب كل من يشتم اترابه
لاتخلي العجب والشك ما بينك وبينه ايحول
لو همك جبل ينزال وبفضل احسين ايزول
كرامه خصصه الباري الدعاء ابقبته مقبول
ومن تتوجه ابدعواك
يالزاير اريد انخاك
اريدك تندعيلي وياك
التربة كربلا حنيت ودموع الغربة سجابه
(يزاير)لو رحت انخاك لمن توصل القبره
عوض عني اريد اتشم مكان البيه نزف نحره
اختنقت ريتي وحنيت يايوم الاشم عطره
وقله خادمك وده
ينال المطلب العنده
وقلبه ابابك يشده
علق لو حصل امراده يرد يمك امنغيابه
(نذر)لحسين لورديت ناذر اعتنيله ازحوف
قلبي يسكبه اجدامي وبقبره ابواليمه ايطوف
وحني اضلوعي عالشباك وحضنه ابلوعة الملهوف
وشكي اشعندي من آلام
وخبره ابدورة الايام
وزور الاكبر وجسام
قبل ماودع ابو اليمة ازور اهل الوفه اصحابه
وتعنه العضيد حسين عباس الاخو الوفاي
القبله ما قبل يشرب ويتهنه ابلذيذ الماي
وقله من قبر زينب جايبلك انا سلام اوياي
غيور اطباعه معروفة
كريم ايحي بضيوفه
اعذره امقطعة اجفوفه
وراسه بالعمد مهشوم وبعينه السهم صابه
قضيت العمر واتمنه اعيش ابحلم( وبآمال)
لو يدنه الاجل مني نعشي ابكربلا ينشال
يفروني اعله قبر حسين وشعندي ذنب ينزال
ابجاه الطاهرة امه
اريدن دفنتي يمه
وانا الخادم لبواليمه
حي ميت دليلي ايصيح آه يحسين ومصابه
للشاعر / سيد سعيد الصافي