مره على قربك ومره تغليك
ضيعتني مابين قرب وتغــلي
تقول بايعني وترجع بشاريك
بين التناقض ياالغلا ضعت كلي
وانا لك الله كل ماجا لطاريك
الشوق فيني ثار والقلب تلي
لو العهد يابنت ماكنت معطيك
لانحر قليب(ن) باالغلا لك يشلي
لاذبح غرامك والعن ايام ماضيك
واقول هذا الحب خله يووووولي
لكن واعدتك يعني لازم اوافيك
وافي لو ان اللي ابي ماحصلــي
لوهم بيعطـــوني فلوس المماليك
لجل اخل بوعد عهد(ن) ماخلي
لو لا مبادي نخوتي كان اخليك
ياالجادل اللي ساكنه غير ضلي
تدري وش اللي ميًزك عن مزاييك
الحظ يومن يرزقك شخص مثلي
ماهوب انا الي يفضحك عند اهاليك
واهددك من حقد ولا تعلــــــــــــــي
رغم التجاهل منك ماني معاديك
ولو جيتني في اي وقت ابهلي
لو تغرس ارماحك بقلبي ماأذيك
غير الوعود اخاف ربـــــــي وصلي
ويمكن يجي يوم(ن) ادورك مالقيك
قلي وش اللي بفعله فيك قــــــلي
الحب يبقى بس ماتبع خطاويك
دربن يودي الموت ولا يذلي
رد مع اقتباس